Busturialdeko Hitza

Udalekuetara joateko izena emateko epea zabaldu dute

Forua Astebeteko egonaldia izango da Urbasan; Foruan erroldatuta daudenak bakarrik joan daitezke.

o. zabalondo

Udalbidek antolatutako udalekuetara joateko izena emateko epea zabaldu dute Foruan. 1995 eta 1998 urte bitartean jaiotako gaztetxoei zuzenduta daude udalekuak.

Astebeteko egonaldia egingo dute Urbasan (Nafarroa), uztailean. Gaztetxoek aisialdi-hezigarrietan parte hartzeko aukera izango dute.

Interesatuek Foruko Kultur Etxean eman behar dute izena, maiatzaren 5a baino lehenago, 17:00etatik 20:00etara. Foruan erroldatuta dauden umeak bakarrik joan daitezke eta 50 euro ordaindu behar izango dute.

Zazpi lurralde

Izena ematen duten umeek beste herrialdeetako adin berdineko umeak ezagutzeko eta euskaraz hitz egiteko aukera izango dute, `zazpi lurraldekoekin, zazpi egunez´ lelopean.

Urbasan emango duten astean hainbat gauza egiteko aukera izango dute: eskalada, espeleologia, igeriketa eta irteerak, besteak beste. Udalbidek antolatutako udaleku horiek hainbat helburu dituzte: euskaraz hitz egitea bultzatzea, ingurumenaren aldeko sentsibilizazioa lantzea, euskal kultura ezagutzea eta, batez ere, lurralde desberdinetako gazteen arteko topaketak ahalbidetzea.